رکھ ڈولدے تے اکھ نئیں لگدی نمی نمی وا وگدی

نِمّی نِمّی وَا وَگدِی

رُکھ ڈولدے تے اَکھ نَئیں لَگدِی

نِمّی نِمّی وَا وَگدِی

سانُوں ٹَھگ گئی یاد اِک ٹَھگ دِی

نِمّی نِمّی وَا وَگدِی

راہواں تَک تَک، تَک تَک، تھکَدِیاں نہ

اَکّھاں اَکدِیاں نہ

ہُن بِناں دیکھنے دے رہ سَکدِیاں نہ

اوہدی تاہنگ تے نالے ڈری جَگ دِی

نِمّی نِمّی وَا وَگدِی

سانُوں ٹَھگ گئی یاد اِک ٹَھگ دِی

نِمّی نِمّی وَا وَگدِی

لوکاں کولوں تے لُکا لواں گی ہَس ہَس کے

جُھوٹ سَچ دَس کے

پَر دل کولوں میں جاواں گی کِتّھے نَس کے

لاٹ پیار والی لَٹ لَٹ جَگ دِی

نِمّی نِمّی وَا وَگدِی

سانُوں ٹَھگ گئی یاد اِک ٹَھگ دِی

نِمّی نِمّی وَا وَگدِی

جاواں پانی بھَرنے نوں تَڑکے تَڑکے

میرا دل دھڑکے

جے بُلا لیا اوہنے کِتے بانہہ پھَڑ کے

ڈھیری بھَخ پئو دَبی ہوئی اَگ دِی

نِمّی نِمّی وا وگدِی

سانُوں ٹھگ گئی یاد اِک ٹھگ دِی

نِمّی نِمّی وا وگدِی

رُکھ ڈولدے تے اَکھ نئیں لَگدِی

نِمّی نِمّی وَا وَگدِی

احمدؔ راہی