کت کُڑے، نہ وت کُڑے
کت کُڑے، نہ وت کُڑے
لاہ چھلّی، بھروٹے گھت کُڑے
ما پِيو تيرے گنڈِھيں پائياں
اجے نہ تَينُوں سُرتاں آياں
نہ آسَيں پيکے وت کُڑے
کت کُڑے، نہ وت کُڑے
جے داج وہونی جاويں گی
تاں کِسے بھلی نہ بھاويں گی
تُوں شَوہ نُوں کِويں رِجھاويں گی
کُجھ لَے فکراں دِی مت کُڑے
کتّ کُڑے، نہ وتّ کُڑے
تيرے نال دياں، داج رنگائے نی
اونھاں سُوہے سالُو، پائے نی
تُوں پَير اُلٹے، کيوں چائے نی
جا اوتھے لگسِی تت کُڑے
کت کُڑے، نہ وت کُڑے
شَوہ بُلّھيا! گھر اپنے آوے
چُوڑا بيڑا تدے سُہاوے
گُن ہوسی، تاں گلے لگاوے
نہيں روسَيں، نَينِيں رت کُڑے
کت کُڑے، نہ وت کُڑے
لاہ چھلّی، بھروٹے گھت کُڑے
بابا بلھے شاہ
