جھکھڑاں اگے تاہیوں اڑیا ہویا واں
لوکاں نالوں وکھ نہ کھڑیا ہویا واں
اج وی جہڑے کہن قصیدے حاکم دے
اوہناں شاعراں کولوں سڑیا ہویا واں
جہڑے نال ٹُرے سن، کدھر ٹر گئے نے
وختاں نوں میں کلا پھڑیا ہویا واں
اک دوجے دیاں لاشاں اُتے بھڑکن لوک
ربا! کہڑی نگری وڑیا ہویا واں
نندیا کنجھ کراں نہ کانیاں ونڈاں دی
بلہے دے مدرسے پڑھیا ہویا واں
تکڑی پھڑ کے جو وی ڈنڈی مارے گا
سمجھو اوہدے نال میں لڑیا ہویا واں
نامعلوم
No comments:
Post a Comment
Note: only a member of this blog may post a comment.