دریا کوں نہراں کھا گیاں نہریں کوں کھالےکھا گئے
دالاں وی کالیاں تھی گیاں دالیں کوں کالے کھا گئے
مالی تاں گھر نوں ٹُر پئے گلشن اُجڑدا ڈیکھ کے
بلبل تڑپدی رہ گئی،۔ بلبل کوں نالے کھا گئے
اکھیں تاں اپنڑے جرم دی یارو سزا لہندیاں ودین
پیریں دا کیڑہا جرم ہا پیریں کوں چھالے کھا گئے
گھر دے حوالے ڈے کرائیں بردے حوالے کر گئے
سسڑی دی بے گھر سوچ کوں گھر دے حوالے کھا گئے
گئے بال ہن کاٹھیاں چنڑن پوہ دی ٹھڈی سیکر دے وچ
پیؤ ماء کوں چِنتے کھا گئے بالیں کوں پالے کھا گئے
اوں بے نوا ناشاد! کوں وی دل لگی دا شوق ہا
ایں دل لگی دے شوق وچ دل کوں کشالے کھا گئے
جمشید ناشاد
No comments:
Post a Comment
Note: only a member of this blog may post a comment.