لوک مردے تے جیندے رہ ویندن
اے تماشے تاں تھیندے رہ ویندن
کھیڈ ول ول اوہا کھڈیندی ہے
پڑ وٹیندے سٹیندے رہ ویندن
سر پھرے لوک سر نہ چاون تاں
سر روزانہ کپیندے رہ ویندن
ہتھ جو ہک جاہ تے نئیں اڈیندا تُوں
تہوں تاں ہر جاہ اڈیندے رہ ویندن
ہتھ غریبیں تے کیوں سکیندیں تُوں
ہتھ تاں بھاہ تے سکیندے رہ ویندن
سک دے چولے دی لیر سی پہلے
بُکھ دے چولے سیویندے رہ ویندن
کجھ تاں ساہی ڈے اکھیں دے ڈاندیں کوں
ہنج دے کھوہ تاں گڑیندے رہ ویندن
ظرف انھئیں دے بلا دے ہوندے ہن
جیڑھے کاوڑ کوں پیندے رہ ویندن
جمشید ناشاد
No comments:
Post a Comment
Note: only a member of this blog may post a comment.