اسیں بے انکھی دیاں تَنداں وچ امن ورگا کجھ اُندے رہے
اسیں برچھی دے وانگ
ہڈاں وچ کُھبے ہوئے سالاں نوں عمر کہندے رہے
جَد ہر گھڑی کسے بپھرے شریک وانگ سر تے گڑھکدی رہی
اسیں صندوق وچ لُک لُک کے یُدھ نوں ٹالدے رہے
ڈَر کدے ساڈے ہَتھاں تے وگار بن کے اُگ آیا
ڈر کدے ساڈے سِراں اتے پَگ بَن کے سج گیا
ڈَر کدے ساڈے مناں اندر سہج بن کے مہکیا
ڈَر کدے روحاں وچ سجنتائی بن گیا
کدے بُلھاں تے چغلی بن کے برڑایا
اسیں ہے زندگی، جنہاں یُدھ نہیں کیتا
تیرے بڑے مکار پتر ہاں
یدھ توں بچنے دی لالسا نے
سانوں لتاڑ دتا ہے گھوڑیاں دے سمباں ہیٹھ
اسیں جس شانتی لئ رینگدے رہے
اوہ شانتی بگھیاڑاں دے جباڑیاں وچ
سواد بن کے ٹپکدی رہی
شانتی کِتے نہیں ہندی ہے
روحاں وچ لکے گدڑاں دا ہوانکنا ہی سب کج ہے
شانتی
گوڈیاں وچ دھون دے کے
زندگی نوں سفنے وچ دیکھن دا جتن ہے
شانتی اونج کج نئیں ہے
پاش
اوتار سنگھ سندھو
No comments:
Post a Comment
Note: only a member of this blog may post a comment.