برھڑا
لوکی پُوجن رب میں تیرا بِرھڑا
وے سانوں سو مَکیاں دا حج
وے تیرا بِرھڑا
لوک کہن میں سورج بنیا
لوک کہن میں روشن ہویا
سانوں کیہی لا گیا اگ
وے تیرا بِرھڑا
پیچھے میرے میرا سایہ
اگے میرے میرا نھیرا
کِتھے جائے نا بانہیں چھڈ
وے تیرا بِرھڑا
نہ اس وِچ کسے تن دی مٹی
نہ اس وچ کسے من دا کُوڑا
اساں چاڑھ چھٹایا چھج
وے تیرا بِرھڑا
جد وی غم دیاں گھڑیاں آئیاں
لے کے پیڑاں تے تنہائیاں
اساں کول بٹھایا سد
وے تیرا بِرھڑا
کدی تاں ساتھوں شبد رنگاوے
کدی تاں ساتھوں گیت اُناوے
سانوں لکھ سکھا گیا چج
وے تیرا بِرھڑا
جد پیڑاں میرے پیری پئیاں
صدق میرے دے صدقے گئیاں
تاں ویکھن آیا جگ
وے تیرا بِرھڑا
اساں تاں عشقوں رُتبا پایا
لوک ودھائیاں دیون آیا
ساڈے رویا گل نوں لگ
وے تیرا بِرھڑا
مینوں تاں کجھ عقل نا کائی
دنیا مینوں دسن آئی
سانوں تخت بٹھا گیا اج
وے تیرا بِرھڑا
شو کمار بٹالوی
No comments:
Post a Comment
Note: only a member of this blog may post a comment.