سانوں بے رخیاں دے غم نیں
لوکاں نوں کج ہور وی کم نیں
دُکھڑے بھانویں مار مُکائے
پر اکھاں تے ہُن وی نم نیں
اوتھے کون انسان بنے گا
جتھے چلدے وسکی رم نیں
ہٹدے نئیں اس یاد دے دورے
وڈے عالماں کیتے دم نیں
جان غلامی کسراں چھڈے
بوہتے سِر تے ہُن وی خم نیں
تاہیوں میں تہذیب نئیں بُھلیا
اندر پچھلیاں پیڑھیاں ضم نیں
دکھ گنتی توں باہر سی عابد
ایسے لئی ویچے لم سم نیں
ُ
عابد عمر
No comments:
Post a Comment
Note: only a member of this blog may post a comment.