بغاوت ہور ہوندی اے
حرّیت ہور ہوندی اے
وضاحت ہور کردے نیں
حقیقت ہور ہوندی اے
دکھاوے دی عبادت نہیں
عبادت ہور ہوندی اے
تسیں میری محبت او
ضرورت ہور ہوندی اے
غلامی کہہ، غلامی نوں
عقیدت ہور ہوندی اے
ایہ دنیادار ڈھونگی نیں
شرافت ہور ہوندی اے
مِرے قاتل نوں لبھو جی
شہادت ہور ہوندی اے
ایہ اج دے پیر نیں جُھوٹھے
کرامت ہور ہوندی اے
ضرورت اے جو توں کہنایں
محبت ہور ہوندی اے
زین جٹ
No comments:
Post a Comment
Note: only a member of this blog may post a comment.