شام نوں گئی رتاں دا دکھ
اک ویلا سی تیرے باجھ میرا
جدوں پل وی اوکھا لنگھدا سی
ہن ویکھیاں عمراں بیت گئیاں
کدی دیوے بال مزاراں تے
کدی فجر دعاواں منگدا سی
فیر رنگ بدل گئیا خاہشاں دا
ناں مہک پرانے خواباں دی
ناں چپ گلی وچ جاواں میں
ناں رونق رہ گئی یاداں دی
ہن دل وی تیز دھڑک نئیں
فیر اکھیاں وچ اڈیک وی نئیں
کجھ طبع اداس وی نئیں ہوندی
تینوں ملن دی آس وی نئیں ہوندی
یوسف رند
No comments:
Post a Comment
Note: only a member of this blog may post a comment.