رنج وچ کجھ نئیں رکھیا نہ کجھ رنجگی وچ اے
کٹھیاں رہیئے وسیئے سب کجھ زندگی وچ اے
وکھو وکھ پئے یار نمازاں نیتن کیوں ؟
چوکھا اجر جماعت اچ کیتی بندگی وچ اے
چوسے پھل بناوے ماکھی اک مکھی
اک اوہ جسدا کل سرمایہ گندگی وچ اے
بشر دا رتبہ کیہ اے جا جبریل نوں پچھ
ابلیس تاں آکھے سبھے کجھ درندگی وچ اے
دن چڑھے جو اٹھدے قمر اوہ کیہ جانن
قدرت کیہ کیہ حسن کھلارا سرگی وچ اے
قمر فرید
No comments:
Post a Comment
Note: only a member of this blog may post a comment.