ٹھنڈی سیت ہوا پوہ مانگھ دی گُھلدی اے
بدھی گڈھڑی یاداں دی پئی کُھلدی اے
چیتے آئی کٹھیاں بیٹھ کے چاہ پیتی
تتی ہنج پئی ٹھنڈی گلھ تے ڈُلہدی اے
بدلاں امبراں ورگی اک پھلکاری نوں
تک تک کھیتاں وچ سرہوں پئی پُھلدی اے
چنگی مندی وِسر گئی دل کملے نوں
ہڈاں نوں ہڈ بیتی کتھے بھُلدی اے
قمر فریدا کدھرے دانگ لا بیٹھیں
چٹی چادر روحاں دی کد دُھلدی اے
قمر فرید
No comments:
Post a Comment
Note: only a member of this blog may post a comment.