غریباں دی کُلی امیراں دے ہاسے
اجے خالی یارو! غریباں دے کاسے
سماوے دلاں وچ جدوں عشق پیارے
بنا دیوے مجنوں پھڑا دیوے کاسے
خدا دی خدائی چ کلا میں بیٹھا
تِری یاد رہندی مِرے آسے پاسے
پیار اُلجھناں وچ میں دُکھ جھولی پائے
جدوں دا گوایا میں دل ہاسے ہاسے
جدائی دے دُکھاں روایا اے طارق
کسے نے وی آ کے نہ دِتے دلاسے
محبوب عالم طارق
No comments:
Post a Comment
Note: only a member of this blog may post a comment.