نہ سوال دا حق نہ جواب دا اے
پینڈا اوکھڑا ادب آداب دا اے
کون پُچھدا گئیاں، ڈھینڈیاں نوں
ایتھے جہڑا وی اے کامیاب دا اے
پِنڈ ساڈے کپت کل رج ہویا
دُکھ ہور بہانہ پانی ڈھاب دا اے
آپے جا خرید کے پی لینی
دسو کہڑا قصور شراب دا اے
جو وی دل آکھے اوہو کر لیندے
ذرا ڈر نہ خوف عذاب دا اے
اکھاں چار چفیرے تک پتھرائیاں
لگے ماریا اے وی کسے خواب دا اے
جہڑا انھاں جماندروں او کیہ جانے
اے دھتورے دا پُھل یا گلاب دا اے
سوہنی کرے سوال تے دیوے کون جواب
ایتھے کیہڑا وکیل چناب دا اے
توں گنیں نہ گھئیں اینویں جاویں بھجا
کم چنگا ہر اک حساب دا اے
سانوں ڈر وے عامر تیرا ہووے نہ اوہ
حال ہُندا اخیر جو بے تاب دا اے
طفیل عامر
No comments:
Post a Comment
Note: only a member of this blog may post a comment.