شروع اوس دے نام توں
جہنے موسماں دی چُنی نوں رنگ دِتے
جہنے دِتا اے چانن دِیویاں نوں
فیر دِیوِے اسمان تے ٹنگ دتے
شروع اوس دے نام توں
جہنے دھرتی نوں سورج دی اگ دتی
جہنے رکھی اے لاج نمانیاں دی
جہنے رُکھاں دے سِراں تے پگ دتی
شروع اوس دے نام توں
جہنے ککراں نوں انبر دی چھاں دتی
جہنے گُنہیا اے روح نوں مٹی اندر
فیر مٹی نوں مٹی تے تھاں دتی
شروع اوس دے نام توں
جہنے کھولیاں نیں پرتاں اسمان دیاں
جہنے رکھے نیں بھرم جوانیاں دے
جہنے کجیاں نیں شرماں جہان دیاں
صغیر تبسم
No comments:
Post a Comment
Note: only a member of this blog may post a comment.