ادھی رات کچہری لگی
سُکی مِسی کھا لیندے ساں
دھوتے لیڑے پا لیندے ساں
وانڈھے شانڈھے جا لیندے ساں
واہ وہ ڈنگ ٹپا لیندے ساں
فر ادھی رات کچہری لگی
تے دولے چوہے کھول تے
لُٹ دے بوہے کھول تے
نِج جمے توہے کھول تے
دھرتی ولّے تک وے سائیاں
دھرتی ولّے تک
بِجلی بتّی لبّھ جاندی سی
چینی پتّی لبّھ جاندی سی
چاہ وی تتّی لبّھ جاندی سی
گھیو دی رتّی لبّھ جاندی سی
فر ادّھی رات کچہری لگی
تے ہونکے بھر دے گھار دے
پچھ کسراں ویلا سار دے
اج چُلہے ڈاڈاں مار دے
خلقت نک و نک وے سائیاں
دھرتی ولّے تک وے سائیاں
دھرتی ولے تک
موٹر کار چل رہی سی
واوہ دال گل رہی سی
خلقت سوہنا پل رہی سی
ہونی حالے ٹل رہی سی
فر ادھی رات کچہری لگی
تے دیس حوالے جوکاں دے
فے جبّھ تے تالے جوکاں دے
آ ویکھ کمالے جوکاں دے
جوکاں نوں تے ڈک وے سائیاں
دھرتی ولے تک وے سائیاں
دھرتی ولے تک
مائیے ٹپے گان سی حالے
اڈے کھڈے ہان سی حالے
سُندے ساں سُنان سی حالے
کانے مندے کان سی حالے
فر ادھی رات کچہری لگی
تے لوکاں نیں برچھے چا لئیے
شرماں نیں کھوپے پا لئیے
ماڑے فے اگے لا لئیے
ڈاکو سارے چک وے سائیاں
دھرتی ولّے تک وے سائیاں
دھرتی ولّے تک
بابا اسحاق سہوتہ
No comments:
Post a Comment
Note: only a member of this blog may post a comment.