تینوں دیندے پئے آں مت کُڑے
نہ اپنی لاہویں پَت کُڑے
تُوں وِچ ترنجن بہہ کے وِی
بڑے گوہ نال چرخہ کت کُڑے
تُوں عاقبت والی کُلّی تے
پاء عملاں والی چھت کُڑے
ایتھے بھور اجیہے پِھردے نیں
جیہڑے پی جاندے نی رَت کُڑے
تُوں دنیا دے وِچ گم ہو کے
نہ پا لئیں نواں کپت کُڑے
تُوں اپنے کمیں رُجھی رہو
ہے ایہہ جیون امرت کُڑے
عزمی دی من صلاح اڑئیے
تُوں سانبھ اپنے ساہ سَت کُڑے
منصور عزمی
No comments:
Post a Comment
Note: only a member of this blog may post a comment.