گل سن انج تے سوچاں
دے بند دروازے نئیں کھلدے
جے کجھ پانا ہوئے تے فیر
اپنا آپ گوانا پیندا
چن بننا کجھ سوکھا نئیں اے
سورج پیچھے جانا پیندا
گل سن انج تے سوچاں
دے بند دروازے نئیں کھلدے
دل وچ رکھ کےکجھ نیں لبدا
مٹی نوں دکھ دسنے پیندے
تےسر نو تھلے کرنا پیندا
سوچاں دے ساہ کسنے پیندے
گل سن انج تے سوچاں
دے بند دروازے نئیں کھلدے
اپنا آپ منوانا سوکھا
رب دا آکھا مننا اوکھا
رب نو سجدے کرنے پیندے
عشق سمندر ترنے پیندے
گل سن انج تے سوچاں
دے بند دروازے نئیں کھلدے
اچیاں ہو کے ویکھن والے
فر وکھری دنیا تکدے نے
جیڑے کن دے کچے ہوون
او ماڑی سوچ نو رکھدے نے
گل سن انج تے سوچاں
دے بند دروازے نئیں کھلدے
سہیل صفدر
No comments:
Post a Comment
Note: only a member of this blog may post a comment.