میں کہیا! ایہہ کوئی گل تے نہیں نا
چُپ مسئلے دا حل تے نہیں نا
ٹھیک اے! میری چھاں وِرلی اے
سِر تے امبر ول تے نہیں نا
میں کہناں لہو اِکو جہے نیں
اوہ کہندا اے کھل تے نہیں نا
عشق توں میں انجان ای سہی پر
تینوں وی کوئی ول تے نہیں نا
مَنیا بندے اِکو جہے نہیں
تیرے گل وچ ٹل تے نہیں نا
میں دنیا توں باغی صابر
تُوں دنیا دے ول تے نہیں نا؟
صابر علی صابر
No comments:
Post a Comment
Note: only a member of this blog may post a comment.