ایہہ نہ سمجھو جگ توں ہریا ہویا واں
پوہ دے سورج وانگوں ٹھریا ہویا واں
ہُن قتلاں تے لال ہنیری نہیں چڑھدی
بے حسے موسم توں ڈریا ہویا واں
دولت مندا تیرے کھیسے کیہ شے نیں
میں جناں کو اندروں بھریا ہویا واں
میں اوہ بوٹا واں جو امبر ولاں دا
لہو پی پی کے تے اج ہریا ہویا واں
صابر اوہدے دل وچ ڈب کے مریا سی
تاں اج اوہدی اکھ وچ تریا ہویا واں
صابر علی صابر
No comments:
Post a Comment
Note: only a member of this blog may post a comment.