سوچ میڈی گُنگی تھی گئی
تھک پیا میڈا وجود
میڈے اندر پھٹ ہزاریں
بول وی سگدا نہمی
ہنجو راہیں روز لکھناں
نِت کہانی میں نویں
لوکیں بھانے ہئی تماشا
جو جو میڈے نال تھئی
کتنے لوکیں کُوں سنائیں
ڈُکھ بھرے طاہر میں وَین
ڈیکھ کے لوکیں دے پاسوں
ہن تے تھینداے اِنج محسوس
ذہن سارے تھیے بازاری
تھلاں وچ مر گئی وفا
کوئی محرم دِلاں دا
نہ کوئی مخلص اِتھاں
طاہر شیرازی
No comments:
Post a Comment
Note: only a member of this blog may post a comment.