تاں اکھاں چوں لہو دے تُبکے چوئے نیں
میرے خاب تعبیراں ہتھوں موئے نیں
جنت دی راہ دَسن والے کیہ جانن
بُڈھیاں بانہواں کِسراں لاشے ڈھوئے نیں
اکھاں دے وچ جھاکن والے دس دے نیں
وِچ جوانی سُفنے بڈھے ہوئے نیں
چیتر رُتے چنتا کھا گئی جینے دی
پچھلی راتی تارے پُھٹ پُھٹ روئے نیں
انبر رویا دھرتی دے وسنیکاں تے
انجم! ہسدے ہسدے درد لکوئے نیں
انجم رانا
No comments:
Post a Comment
Note: only a member of this blog may post a comment.