کیہ سوچدی پئی ایں
دِل دی گَل نہ ٹال نی، کیہ سوچدی پئی ایں
اکھیاں ہویاں لال نی، کیہ سوچدی پئی ایں
عشق چ اپنا آپ گوا کے
اُچیاں دے سنگ یاری لا کے
دنیا وانگ سوال نی، کیہ سوچدی پئی ایں
سجناں میلہ لایا ہویا
تُوں کیہ حال بنایا ہویا
اپنا آپ سمبھال نی، کیہ سوچدی پئی ایں
نہ بہہ سوچاں کول نی کُڑئیے
عشق تِرا انمول نی کُڑئیے
مار چنہاں وچ چھال نی، کیہ سوچدی پئی ایں
شہزاد اسلم
No comments:
Post a Comment
Note: only a member of this blog may post a comment.