جتھاں تیں پہل کیتی آئی اتھائیں ان الوداع کیتی
سجن ہن تئیں سمجھ نئیں آئی سزا کیتی رہا کیتی
پویندا رہ گیاں میں منکا منکا مونجھ تیڈی کوں
قسم تیڈیں اکھیں دی نئیں کوئی تسبیح قضا کیتی
تیکوں شالا کڈاہیں وی نہ ملے انت سفریں دا
ڈکھائے میں پیر دے چھالے تاں دل رو کے دعا کیتی
میں ہر ان پھر دے پیریں کوں ابھردے سجھ ڈکھا ڈیساں
مگر شرط جے تیڈے غم فجر توڑیں وفا کیتی
رلے سفریں تے گئے ہاوے کلھا ول آئیں کلھے سر تیں
اوکوں کتھ رول آئیں شاہد اے اپنے نال کیا کیتی
عزیز شاہد
No comments:
Post a Comment
Note: only a member of this blog may post a comment.