الف الف تے بے نوں بے لکھیا
کھرا سچ لکھیا میں جے لکھیا
میں شاعر ہاں وکھرے لہجے دا
ہر وسب دا میں ورتے لکھیا
گل حق دی کرن دا عادی ہاں
نہیں لے لایا نہیں لے لکھیا
ہئے ورثہ ادب ادیباں دا
بے ادباں ادب اچ کے لکھیا
موت حق اے مرن توں کی ڈرنا
ہئے مرناں جدنڑ مرے لکھیا
بڑے صدمے جر کے جیوندا ہاں
میرا ازلوں دھن کلے لکھیا
دُکھ کُکھ دے نالے بُھکھ دے دُکھ
میں سبھ کجھ دکھاں تے لکھیا
ہر دُکھ پرو کے اکھراں وچ
نال ہنجواں دے بہے بہے لکھیا
میں لکھے درد زمانے دے
نہیں میرا درد کسے لکھیا
لکھی دنیا ڈھیر سیانی ایں
گُل نال آپنڑا کملے لکھیا
غلام حسین گُل تارڑ
No comments:
Post a Comment
Note: only a member of this blog may post a comment.