عشق دی اگ وچ سڑدے رہ گئے
اندروں اندری مَردے رہ گئے
جاون والے ٹر گے چھڈ کے
بھاویں مِنتاں کردے رہ گئے
ہنجواں ساڈے حال چا کھولے
کہڑی گل دے پردے رہ گئے
آس دا پنچھی کولوں اُڈیا
ایس نوں پھڑدے پھڑدے رہ گئے
دل نے ساڈی ہِک نہ منّی
ساری عمراں لڑدے رہ گئے
یاد تیری دا سوہنا نگ سی
ہجر انگوٹھی جڑدے رہ گئے
پِیراں والی گل وی مک گئی
نان حلیم تے زردے رہ گئے
سوہنیا بھر بھڑولے اپنے
اسیں تے ہاواں بھردے رہ گئے
وچ صحراواں لنگ گئی ساری
ہُن تے سُفنے گھر دے رہ گئے
نوید ناظم
No comments:
Post a Comment
Note: only a member of this blog may post a comment.