حُسن حقیقی دا کلمہ پڑھ کے ذکر اللہ دا کرئیے ہُو
دل مومن دا گھر ہے رب دا، دم اوہدا ہی بھرئیے ہو
نال ہنجواں دے وضو کر کے در سجن دا ملیۓ ہو
چھڈئیے نہ کدھی یار دا بُوہا بوہے یار دے مرئیے ہو
ڈاہڈا ہجر سجن دا مِلیا شکر نوافل پڑھیے ہو
جس نوں نمازِ عشق نیں کیندے کدی قضا نہ کرئیے ہو
ٹُردے پِھردے اٹھدے بہندے ورد عشق دا کرئیے ہو
دید ماہی دی خاطر امیرا! میں اپنی نال لڑئیے ہو
چنگا مندا سُن کے سانجھا دُکھ درداں دا جڑئیے ہو
جیہڑا خالق سب دا حقیقی اوس کولو ہی ڈرئیے ہو
امیر عثمان
No comments:
Post a Comment
Note: only a member of this blog may post a comment.