جدید پنجابی شاعری
میں روواں میرا دردی ہسدا جگ نوں سمجھ نہ آوے
عشق دے روگ نوں سمجھے جہڑا، وکھری کُلی پاوے
عشق چوانتی جد وی لاؤے ہا ہا ہو ہو ہوندی جاوے
اے آتش مول نئیں بُجھدی جد تک نہ عشق بجھاوے
سنگی ساتھی نال نئیں رہیندے سنگ عشق تڑواوے
گھر تھی کڈھ بے گھر کردا یارو سُولی پکڑ چڑھاوے
انہیاں نوں روشنائی بخشے جدوں بخت عشق جگاوے
کُلی عاشق دی لاٹاں مارے ملا دلبر جد دیدار کراوے
ساوے سُک جاندے نے جنوں ڈنگ ہجر دا لگ جاوے
پُھلاں نالوں خُوشبو رُس جاندی اے پتا پتا کملاوے
عشق دے روگی مول نئیں ہسدے من وچ یار سماوے
پتہ نشانی مول نئیں دسدے جنھاں عشق لاڈ لڈاوے
گُم سُم ہو بہندے نیں جدوں چہاتی مرشد آن پواوے
عشق رمز انوکھی اکبر باجھوں رہبر راہ ہتھ نہ آوے
اکبر چشتی
No comments:
Post a Comment
Note: only a member of this blog may post a comment.