پنجابی پوٹھواری پوٹھوہاری پہاڑی شاعری
بدلی گئیا اے نقشہ تکو
جائی جائی کھلتا رکشہ تکو
کھوتا گھوڑا رہڑا لنگھںڑاں
دھکا لغنڑاں جہڑا لنگھنڑاں
خلقت ساری اَکی ہوئی
دسو کہڑی ترقی ہوئی
روڈ کراس کرن نئیں ہونڑاں
تکی سُنڑی مرن نئیں ہونڑاں
سڑکاں گلیاں محلے تنگ
بندے رنگوں ہوئے بد رنگ
قاعدہ تے قانون نہ کوئی
امن چین سکون نہ کوئی
بے روز گاری تے مہنگائی
خرچے بونہہ تے گھٹ کمائی
کدھرے بُھکھ غریبی فاقے
قتل و غارت چوری ڈاکے
جائی جائی پُلساں لائے ڈیرے
کُھلے پھرنے چور لُٹیرے
سدھی سادی ایہہ عوام
کل وی غلام اج وی غلام
سیاستداناں رُوپ بدلائے
نویں گھِنی ایجنڈے آئے
اساں سلیم ایانڑیں رہساں
یافر دھوکھے کھانڑیں رہساں
مرزا سلیم
No comments:
Post a Comment
Note: only a member of this blog may post a comment.