اوہدی صورت سُفنے وچ کیہ آئی اے
اوس تے میری نیندر آن چُرائی اے
ایہہ کیہو جہی لائی مرہم زخماں تے
دل دی پیڑ تے ہو گئی دون سوائی اے
جنہاں پتیاں کولوں چھاں دیاں آساں سن
اوہناں ای پتیاں نے اگ ودھائیائی اے
بال پناں سی چنگا ہس کے ملدے ساں
وڈیاں ہو کے اوہنے اکھ چُرائی اے
غیراں اُتے دوش بھلا کیہ دیواں میں
میرا تے پرچھاواں وی ہرجائی اے
جنہاں دی راہ پھلاں نال سجائی سی
اوہناں نے ای میری خاک اڈائی اے
توں ایں یا جھکھڑ دا کوئی بُلاّ اے
ورھیاں پچھوں کنڈی کس کھڑکائی اے
کُلی دا تے تیلا وی ہن بچیا نہیں
شاکر! فیر ہنیری کاہنوں آئی اے
رمضان شاکر
No comments:
Post a Comment
Note: only a member of this blog may post a comment.