بیتیا ایویں مینہ ساؤن دا
راہ کوئی لبھا نہ دل پرچاؤن دا
محل تے کجھ ہور اُچے ہو گئے
شور کناں سی ہنیری آؤن دا
خورے ماہی لام توں پرتے گا ہُن
فیر آٹا بھڑکیا اے تاؤن دا
تاریا اے مُل حیاتی اپنی
تیریاں اکھاں چ اکھاں پاؤن دا
ڈر گئی ایں ویکھ کے زنجیر نوں
چاء بڑا سی جھانجراں چھنکاؤن دا
شاعری وی شاد کوئی کم اے
ہاں ذریعہ محفلاں گرماؤن دا
حسین شاد
No comments:
Post a Comment
Note: only a member of this blog may post a comment.