مجبور عورت دا گیت
ایہہ گھنگرو نہیں زنجیراں نے
دنیاں نے پیریں پائیاں
ایہہ چھنکدیاں رسوائیاں
نہیں سُندا کوئی دہائیاں
دل ساتھ نہ دئے تاں ہسنا کی
بستی وچ ظلم دی وسنا کی
حال اپنا کسے نوں دسنا کی
چپ رہنا ای تقدیراں نے
ایہہ گھنگرو نہیں زنجیراں نے
کئی کہندے نچ بازاراں وچ
کئی چندے رہے دیواراں وچ
رہی شرم نہ رانجھن یاراں وچ
ہوئیاں بے بس لکھاں حیراں نے
ایہہ گھنگرو نہیں زنجیراں نے
حبیب جالب
No comments:
Post a Comment
Note: only a member of this blog may post a comment.