پنجابی فلمی گیت
کوئی نواں لارا لا کے مینوں رول جا
جُھوٹھیا وے اک جُھوٹھ ہور بول جا
موڑ جا وے جیہڑا میتھوں دل لِتا سی
مینوں تے جِیندوں جانی مار دِتا ای
میں تے نئیوں ڈولنا تُوں پاویں ڈول جا
جھوٹھیا وے اک جھوٹھ ہور بول جا
پیار جدوں کرئیے تے نئیوں ڈری دا
ڈرئیے تے فیر پیار نئیوں کری دا
سدھراں دے شہد وِچ زہر گھول جا
جھوٹھیا وے اک جھوٹھ ہور بول جا
جِتی ہوئی کھیڈ میری اج ہر گئی اے
سنے گا تُوں کوئی تیرے لئی مر گئی اے
میرے ولوں ہُن پاویں کسے کول جا
جھوٹھیا وے اک جھوٹھ ہور بول جا
احمد راہی
No comments:
Post a Comment
Note: only a member of this blog may post a comment.