جدید پنجابی سرائیکی شاعری
میں کنوں انج تھی میڈی صورت کنوں بیزار تھی
میں کڈاں آکھیے جو میڈے غم دا حصے دار تھی
زندگی پانڑی دا بک نئیں چھنڑ ونجے انگلیں وچوں
زندگی اوکھا سفر ہے کہیں ناں کہیں دا یار تھی
ہر کوئی اپنڑے ڈکھیں وچ غرق ہئی اے سوچ گھن
بے سہارا تھی کے رہ نہ کہیں دے گل دا ہار تھی
سکھ سلیقہ دل گھننڑ دا دل مقدس چیز ہے
دل تیکوں ڈیساں مگر ہک شرط ہے دلدار تھی
خیر ہووے یا فقط ڈیکھنڑ میڈا سہندا نہ ہا
یا ہنڑیں آ گئے حکم حاضر ہنڑیں دربار تھی
کیا تھیا اقبال جے پرلا کنارا دور ہے
تر کے مر، مر مر کے تر، تر تر کے مر، تے پار تھی
اقبال سوکڑی
No comments:
Post a Comment
Note: only a member of this blog may post a comment.