جدید پنجابی سرائیکی شاعری
تخلیق
عورت ذات کوں ادھا من کے
حسن تاں پورا منگدے بیٹھن
اوندیاں اکھیں موٹیاں ہوون
کائی شئے پتلی، کائی شئے موٹی
شرم حیا دی پیکر ہووے
وال تاں پوری کنڈ تئیں ہوون
رنگ ہووے تاں چِٹا ہووے
لہجہ بہوں ڈِھگ مِٹھا ہووے
جسم دے جتنے حصے ہوندن
سارے پورے پورے ہوون
لیکن سارے بُھلے بیٹھن
عورت پوری کینی ہوندی
آپ خدا جو ادھی آکھے
ول کیوں پورا کیتی بیٹھن
آخر اے کیا نیتی بیٹھن؟
صباحت عروج
No comments:
Post a Comment
Note: only a member of this blog may post a comment.