جدید پنجابی شاعری
ہوٹھاں دی ایہ پیاس نمانی نسدی پئی اے
"بنےّ دے اِس پار تریہہ ایہ دَسدی پئی اے"
اک زردار دے بُوہے اُتے ڈھول اے وجیا
غُربت میرے بُوہے اُتے ہسدی پئی اے
نیندر انج دی اگ اے لائی پُتلی دے وچ
خواباں اُتے اکھ دی بدلی وسدی پئی اے
ایہ وی اوہدی یار دلیری منو، جہڑی
پتھر اُتے مٹی فقرے کسدی پئی اے
ہُن تے اوہدے اندر زہراں اُگیاں سمجھو
شبنم اوہنوں لوبھ دی سپنی دسدی پئی اے
شبنم کنول
No comments:
Post a Comment
Note: only a member of this blog may post a comment.