جدید پنجابی شاعری
اِنج تیری یاد آئی
جویں چن جھُگّیاں وِچ لہہ جائے
وے بھادروں دے ہُسّڑ نال
جِویں پھُل خشبوئی کھہہ جائے
وے انج تیری یاد آئی
وے سُنجیاں حویلیاں وِچ
صدیاں دے بعد جِویں
کوئی راہی پروھنا تھِیوے
وے دُور ویاہیاں ول
مُدتاں دے بعد جِویں
کِتے امڑی دا اَونا تھِیوے
وے جنماں دے ہنجواں دا
جِویں بھارا کھیاں توں لہہ جائے
وے اِنج تیری یاد آئی
کوئی بُوٹڑا سرہوں دا
جویں پوہ دے مہینے اُگ پئے
وے پھُلاں والی چیت رُت دے
تک دل نُوں بھریندا رُگ جائے
کِیہ سمیاں دے بعد جمناں
جِویں چودھویں نُوں چن لہہ جائے
وے اِنج تیری یاد آ ئی
وے ساہ تاں شرِیکڑ ے جہیے
سانوں زندگی دے مہنے دیندے
وے اک بِیبا تیرے حوصلے
سانوں قبراں چوں موڑ لیاندے
جیون رُسے ہوئے بالک نوں
کوئی گھر نوں منا لے جائے
وے اِنج تیری یاد آئی
وے اِنج تیری یاد آئی
جیوں چیت تھلاں وِچ لہہ جائے
جیوں تُبکا تریل دا اِک
سئے کوہاں ریت تے پے جائے
جیوں پھل کملائے دے
کجھَ بھنورا کنّاں وِچ کہہ جائے
وے اِنج تیری یاد آئی
وے اِنج تیری یاد آئی
طارق گجر
No comments:
Post a Comment
Note: only a member of this blog may post a comment.