جدید پنجابی شاعری
غیراں کولوں دل دے بھید لوکائی دے
بُلھیاں اُتے چُپ دے جندرے لائی دے
دُکھاں ورگی دولت انج نئی ونڈی دے
غم دے ہیرے اپنے کول بچائی دے
بس اک تیری یاد بچا کے رکھی اے
ترے ہاسے ساتھی نیں تنہائی دے
ہر کوئی آندا جاندا دِسے ایہناں وچ
اکھیاں والے شیشے انج لشکائی دے
اپنے ایہناں رُکھاں دی چھاں مانن گے
چار چفیرے پیار دے بُوٹے لائی دے
سجناں نُوں کیہ دُکھ دی گل سُنانی ایں
مِتراں اُتے ایویں بوجھ نئی پائی دے
ہنڑ کہ سحر وسانی دل دی بستی اے
لنگ گئی ساڈی لاریاں وچ ہرجائی دے
رضوانہ سحر ہاشمی
No comments:
Post a Comment
Note: only a member of this blog may post a comment.