جدید پنجابی شاعری
تھڑیاں تے چھڑکا سی ہوندے
چاچے بابے بھا سی ہوندے
حُقے کٹھ دا دور سی حالے
کہی سُنی تے غور سے حالے
واہی بیجی آزاد سی حالے
نو نو ہتھ کماد سی حالے
ماڑی ونگاں پا جاندی سی
کر کے پورے چا جاندی سی
دل آزاری نئیں سی حالے
اینی خواری نئیں سی حالے
گنگا سدھی وگدی سی آ
روز دیہاڑی لگدی سی آ
لنگر سن پنڈھارے سی آ
چادر وچ گذارے سی آ
کئی کئی آنڈے بلدے سن
اؤئے کولر شُولر چلدے سُن
حالے سانجھی رجھدی پکدی سی
حالے سوہنی پنڈے لکدی سی
حاکم تے اتبار سی حالے
جھوٹے نال پیار سی حالے
بے اتباری نئیں سی حالے
اینی خواری نئیں سی حالے
اجے حلوے تے شبراتاں سن
اجے لاٹو بلدیاں راتاں سن
نہ سینے سینے ہُسڑ سن
نہ پوہ مہینے ہُسڑ سن
نہ عدل دکاناں پائیاں سن
نہ انجدیاں اتاں چائیاں سن
نہ نکوں مونہوں جھُلی سی
نہ کھُسی حالے کُلی سی
گریہ زاری نئیں سی حالے
اینی خواری نئیں سی حالے
بابا سہوتہ
No comments:
Post a Comment
Note: only a member of this blog may post a comment.