جدید پنجابی شاعری
کیہڑے وٹّاں بنے کیہڑی مُٹھیاں بھردی چھاں
ویلے اِنج دی چنڈ ماری اے بُھل گئے آپنا ناں
مٹی ای گُجھے، مٹی ای گِجھے، مٹی ای ہنجھے یار
مٹی ای آپے مٹی اُتے لیک تیاں حداں
سانوں ساڈے آپنے ہنجواں اِنج دا گیڑے پایا
اوہدی یاد دی تسبی وی ہُن کرنی بُھل گئے آں
نہ چوکن نہ دانہ چُگن ویہڑا بُک بُک رووے
کیہڑے سُفنے پالن ہارا، پائیاں نی چڑیاں
رات پئی جے میرے گھر نوں تِیلی لا لئو لوکو
اج جے کر میں کم نہ آیا فیر کدوں لئی ہاں
آپ تے تاریاں لوئے لوئے سوں جاندائے اسمان
دل دی دھڑکُو دھڑکُو فجرے تیکر سُنناں واں
اوہدے باہجھ رمیضا رہ گئی ایہ کُجھ گھر دی وسوں
اک میں گونگا، اک چھت انھی، اک پتھر دا کاں
اقبال رمیض
No comments:
Post a Comment
Note: only a member of this blog may post a comment.