عارفانہ کلام حمد نعت منقبت
کی کرنا حیاتی دا جے مر کے حضوری اے
سانواں دے لئی آقاﷺ دیدار ضروری اے
میں مرن توں پہلے ای مر جاواں اے جی کردا
جے آقاﷺ گدا وِچکار انج مُکدی دوری اے
میرے آخری ویلے جے سرکارﷺ ملن آون
فیر آکھے گا جگ سارا مُکھ میرا وی نُوری اے
جہنوں آقاﷺ پسند کر دے اوہنوں چاوندی دنیا ایں
اوہنوں دیندے دُعا سارے مل جاندی مشہوری اے
میرے سر تے چڑھی مستی شبیر مدینے دی
وچ حال دے رہندا ہاں میرا پیر قصوری اے
شبیر حسین شبیر
No comments:
Post a Comment
Note: only a member of this blog may post a comment.