جدید پنجابی سرائیکی شاعری
تھکیڑا سِک دے سفریں دا لہاونڑ کانڑ مِل پووے
او دل کملے کوں پل ڈو پل وِلاونڑ کانڑ مل پووے
میں مونجھی تھی کے مردی جاہ ہاں پِندی دید دلبر دی
اُوکوں آکھو خدا کیتے بچاونڑ کانڑ مل پووے
نِکے لوکاں کوں نہیں مِلدے جیتھے عاشق نے بخت ہوندے
اے ازلی فرق اوقاتیں دے مِٹاونڑ کانڑ مل پووے
جہڑے آدھن ہے کملا کم کِسے نال پیار پاونڑ وی
اُنہاں سیانڑاں کوں کملا کوئی بنڑاونڑ کانڑ مل پووے
اساں مجنوں مزاجاں دی طبیعت وچ اداسی ہے
ساکوں گل نال لا کے کوئی رُواوَنڑ کانڑ مل پووے
اُنجے مصروف ڈھگ ہائیں پر یکے کم کار بھل ویندن
جے کوئی وی راہ تِ اسدی گل سنڑاونڑ کانڑ مل پووے
جہڑے ویلے اے رل باہونڑ ڈوہاں کیتے بہشت ہائی
اُسے ویلے دا کوئی وعدہ نبھاونڑ کانڑ مل پووے
میڈا بہوں اہم مسئلہ ہے پہنچیساں شعیب رب توڑیں
ہُنڑ آپ آوے، خدا ویہڑے وسانڑ کانڑ مل پووے
شعیب نواز
No comments:
Post a Comment
Note: only a member of this blog may post a comment.