جدید پنجابی شاعری
ساجھ دا رکھ بے موسما جھڑدا جاندا اے
رُتاں نال سواد وگڑدا جاندا اے
ہڑھ چوں کڈھ کے لاشاں نوں دفنایا ہا
پانی مُڑ قبراں نوں وڑدا جاندا اے
بُڈھڑے رُکھ نوں چڑیاں روز دسیندیاں ہن
ہولی ہولی شہر اُجڑدا جاندا اے
آسے پاسے ویکھ کے ٹُریا کر ڈھولا
ڈھینگری نال پچھاواں اڑدا جاندا اے
میں ایہدے توں پہلے پجنا اے منزل تے
ویلا اندرو اندریں سڑدا جاندا اے
تار چنہاں دی زد اچ کلھی سوہنی نئیں
عشق وی لہراں نال جھگڑدا جاندا اے
چار دیہاڑے سادھاں وانگ وسیم رہیاں
بُکل آلا چور ہسڑدا جاندا اے
وسیم اکرم جوئیہ
No comments:
Post a Comment
Note: only a member of this blog may post a comment.