جدید پنجابی شاعری
اوہ تے نیکوکار سی، اوہ نیکیاں گِنڑدا رئیا
میں خدا دے سامنے بس غلطیاں گنڑدا رئیا
دین دے ارکان بارے بُھکھے نوں جد پُچھیا میں
اوہ بے چارہ اُنگلاں تے بس روٹیاں گنڑدا رئیا
لوکاں چن تے تاریاں نال رج کے گلاں کیتیاں
میں غماں دی گوٹھ بہہ کے حسرتاں گنڑدا رئیا
دُکھ سُناون اج گیا سی اپنے گُوڑے یار نوں
اگوں اوہ بس کار، بزنس، کوٹھیاں گنڑدا رئیا
جد کسے وی پُچھیا توں ایں کس مذہب تے میاں
میں نبیﷺ دی آلؑ دے نال نسبتاں گنڑدا رئیا
زاہد جرپالوی
No comments:
Post a Comment
Note: only a member of this blog may post a comment.