جدید پنجابی شاعری
نکوں چہل جاندی اے سجنا
اینویں قول کسے ہارے نیں؟
مَتھے تیڑی پائی رکھ دا ایں
کیہڑے تیرے مانھ مارے نیں
اک تے لوکاں اَت مچائی
دُوجے توں میہنے مارے نیں
توں وی بازی ہار گیا ایں
میرے کول وی بس لارے نیں
پیار تے توں وی جم کے کیتا
میں وی اپنے ساہ وارے نیں
ہجر دی نیہری ڈاہڈی سئی پر
تیری یاد دے ککھ پہارے نیں
پیو دے ہندیاں سارے اک سی
ہُن تے وکھو وکھ سارے نیں
میرے راہ دا چانن انور
اوہدیاں اکھاں دے تارے نیں
منیر انور
No comments:
Post a Comment
Note: only a member of this blog may post a comment.