جدید پنجابی شاعری
وچارے کُکڑ
ویہڑے دے وِچ کَٹھے ہو کے
کُکڑ کھہہ اُڈاندے رئے سی
وار و واری اک دوجے دے
سر وِچ رَل کے پاندے رئے سی
اک دن باہر دی کُنڈی کھڑکی
اپ ٹُو ڈیٹ پروہنے آئے
گھر دیاں کُکڑ زبح کرائے
اِکّو ای کُکڑ بچ گیا جہڑا
ویہڑے دے وِچ کلا کارا
آپ ای کھیہ اُڈاندا پھردا
اپنے ای سر وِچ پاندا پھردا
گھر دیاں کندھاں نے دَسیا اے
گھر دے گلاں کردے پئے نیں
ہور پروہنا آون والا اے
ایہ وی کُکڑ جاون والا اے
احمد نعیم ارشد
No comments:
Post a Comment
Note: only a member of this blog may post a comment.