پنجابی سرائیکی شاعری
پیرے کوں پیشانی دی پوشاک پوانواں
اپنا سجدہ اپنی بھوئیں تیں سجدا ڈیکھاں
خاک چُماں جو تیڈی خشبو آندی پئی اے
چُم چانواں تے ہر ذرے کوں وسدا ڈیکھاں
پَل پَل دیاں پازیباں پانواں تیڈے پیریں
ہر گھنگرو کوں اپنی سُر وچ وجدا ڈیکھاں
او انگلیں او جوگ جگیندیاں ریشم تاراں
اپنا نہ سہی کہیں دے ناں دا چھلّا ڈیکھاں
او بانہیں او کہیں دے سر دے سُرت سرہانے
کُئی گل پاوے مَیں تاں چِٹّا چُوڑا ڈیکھاں
شام لہے تاں چن دی چاندنی چُنّی چُن کے
کھیر ہتھیلی تے میندی دا ٹِکّا ڈیکھاں
توں ہک خاب تے خاب تاں اپنے وس وچ ہوندن
خاب تاں ڈیکھاں خاب مگر مَیں کیا کیا ڈیکھا
عزیز شاہد
No comments:
Post a Comment
Note: only a member of this blog may post a comment.