پنجابی سرائیکی شاعری
غزل سمجھے ہرن دی باک سمجھے
جیں عورت دا الا تریاق سمجھے
جیویں چاہندا ہے اویں کر کھڑیندے
سیاہ تختے دیاں رمزاں چاک سمجھے
ستاوی، یارہویں، ستواڑا، تریجھا
کئی جُٹ نکھڑے اساں توں طاق سمجھے
شمع مسمنڑ توں پہلے پھڑکدی ہے
میں بڈدے ہوئے کوں کئی تیراک سمجھے
جیڑھا محبوب تئیں چا گیا ہے میکوں
میں اوں سائیکل کوں بھئی براق سمجھے
اساں شعریں توں من دی تریہہ مٹیندوں
سُریں کوں روح کیتے خوراک سمجھے
کیا سمجھے ناصبی رتبہ علیؑ دا
مولا دا حق شہ لولاکﷺ سمجھے
جیندی اوقات نی تائب کوں سمجھنڑ
ایندی شاعری کوں ڈسو خاک سمجھے
رفیق تائب
No comments:
Post a Comment
Note: only a member of this blog may post a comment.