جدید پنجابی شاعری
پہلی روٹی
اج میں بیتے سال نچوڑے
تے فِر کئی کئی منظر نُچڑے
ڈِگیاں کئی تصویراں وِچوں
کُجھ پُرانے قِصّے
گُھوکو گُھوک مدھانیاں پئے
بولن تِتر مور
وِسمے آٹے چوں اک پیندا
جاگ دیہاڑا ہور
چُلھے بیٹھی ماں دوالے
ٹیٹکیاں دا شور
پہلی روٹی میری، پہلی روٹی میری
پِنڈ توں ساہویں ٹالھی نیڑے
شِکر دوپہر دے چاء
دوجی پانڈ تندورں آؤندی
مٹھی، لونی جہی خشبو
انباں دا اچار تے کُترے
گنڈھے گُڑ تے گھیو
جنتی موہ دے انبروں لتھا
رجواں من سلو
بُھنجے بیٹھی چھاں دوالے
لگراں دی کُرلاٹ
مِسّی روٹی میری، مِسی روٹی میری
شام دے ویڑھے وچوں اُٹھدا
تاوڑیاں دا دھوں
ون سَوَنّے چسکے لے کے
مہک پوے لُوں لُوں
مِٹھے مِٹھے سجرے سجرے
دُدھاں دے ولٹو
بھٹھ تے پکے پتلے پتلے
منڈے گُھٹو گُھٹ
پیڑھے بیٹھے نگھ دوالے
مُوڑھے چیکو چیک
وڈا کَولا میرا، وڈا کَولا میرا
ارشاد سندھو
No comments:
Post a Comment
Note: only a member of this blog may post a comment.