تصور مصطفی کا جان سے بڑھ کر بھی پیارا ہے

 عارفانہ کلام حمد نعت منقبت

تصور مصطفیٰؐ کا جان سے بڑھ کر بھی پیارا ہے

ستوں قائم ہے جس سے دل کا یہ واحد سہارا ہے

بھٹکتی پھر رہی تھی دل کی کشتی اس سمندر میں

کنارا دے کے پھر عشقِ محمدﷺ نے سنوارا ہے

سبھی پاتے ہیں انؐ سے روشنی قلبِ معطر کی

بنا کر نور کا مرکز انہیں رب نے اُتارا ہے

بیاں کیسے بھلا ہوں عظمتیں پیارے محمدﷺ کی

جہاں کا حُسن، حُسنِ مصطفیٰﷺ کا استعارہ ہے

دیا طوفان نے رستہ ہوا بھی بن گئی رہبر

مصیبت میں محمدؐ مصطفیٰﷺ کو جب پکارا ہے

مہک دل نے مدینے میں نبیؐ کا نور دیکھا ہے

کہ ہر منظر نبیؐ کے نور کا روشن ستارہ ہے

صائمہ جبین مہک